Llac i lëngshëm me bazë cimentoje me aditivëspecialë, pa tkurrje dhe me rezistencë të lartë. Ai ofron:
- Rrjedhshmëri shumë të mirë pa u ndarë në shtresa.
- Fortësi fillestare dhe përfundimtare të lartë.
- Ngjitje efikase në hekur dhe beton.
- Rezistencë ndaj goditjeve dhe dridhjeve.
- Depërtueshmëri e ulët e ujit.
I certifikuar në përputhje me ASTM C 1107-99 dhe i klasifikuar edhe si stuko e tipit C. I certifikuar gjithashtu sipas EN 1504-3 dhe EN 1504-6, i klasifikuar si llac CC R4 për riparime betoni dhe si produkt ankorimi për forcimine shufrave të celikut përkatësisht. Nr i certifikatës: 2032-CPR-10.11.
MEGAGROUT-101 është i përshtatshëm për:
- Mbështetjen dhe fiksimin e makinerive
- Ankorime
- Formimin e bazamenteve mbështetëse të makinerive të precizionit.
Nënshtresa
Sipërfaqja duhet të jetë e pastër, pa pluhur, graso etj. Gjithashtu, ajo duhet të bëhet e ashpër me qëllim që të garantohet ngjitja e duhur e llacit të lëngshëm në të. Përpara përdorimit rekomandohet njomja totale e nënshtresës.
Përdorimi
Pas përzierjes me ujin MEGAGROUT-101 është një përzierje e lëngshme dhe me kokrriza të imëta, dhe pjesë të saj mund të rrjedhin në pjesët bashkuese të elementeve të vecantë të betoformës. Prandaj, bashkimet e betoformës duhet të izolohen me cimento me ngrirje të shpejtë AQUAFIX ose me llacin meremetues me mpiksje të shpejtë RAPICRET. MEGAGROUT-101 hidhet gradualisht në 3 l ujë dhe përzihet mirë me ndihmën e një mikseri me xhiro të ulëta (300 rrot/min), derisa të arrihet rrjedhshmëria e dëshiruar e llacit. Më pas, përzierja derdhet duke bërë kujdes që të evitohet formimi i flluskave të ajrit. Në cdo rast duhet të sigurohet që llaci i lëngshëm ka mbushur cdo hapësirë midis armaturës dhe konstruksionit ekzistues. Sipërfaqet e krijuara me MEGAGROUT-101 dhe që janë të ekspozuara në ajër të hapur duhet të mbahen të njoma të paktën për 24 orë, duke u mbuluar me lecka të lagura ose fletë polietileni.
