EPOMAX-CMT është një llac thiksotropik për mure dhe dysheme, me bazë cimentoje dhe rrëshire epokside me bazë uji. Ofron avantazhet e mëposhtme:
- Zbatim më të thjeshtë dhe më ekonomik
- Rezistenca mekanike të larta fillestare dhe përfundimtare
- Ngjitje të shkëlqyera me nënshtresën
- Depërtueshmëri të lartë nga avulli
- Nuk është gërryes (i sigurt në përforcimin e celikut).
Klasifikohet si llac riparues betoni PCC R4, sipas EN 1504-3.
EPOMAX-CMT përdoret për:
- riparim,
- zbutje
- nivelimin
e mureve dhe dyshemeve prej betoni të cilat do mbulohen me:
- shtresa epokside
- shtresa poliuretani
- dysheme plastike
- qilimi
- parket druri etj.
Gjithashtu aplikohet kur betoni është akoma i njomë, për të krijuar nënshtresën e përshtatshme me trashësi të paktën 2mm për aplikimin e shtresave epokside, për të shmangur probleme shkëputjeje etj. Gjithashtu, përshtatet dhe si shtresë përfundimtare, me trashësi deri në 3 mm, për zbutjen, nivelimin dhe rritjen e rezistencës mekanike të sipërfaqes ndaj forcave mekanike në ambiente gërryese.
Përzierja e EPOMAX-CMT
Përbërësit A, B dhe C janë të paketuar në raport përzierje të parapërcaktuar. Fillimisht, përbërësi A duhet të përzihet mirë në enën e tij. Pastaj, duhet të vihet në një enë të pastër rreth 30 litrash. Më pas, gjithë sasia e përbërësit B duhet të hidhet në përbërësin A. Dy përbërësit duhet të përzihen për rreth 30 sekonda, me një mikser me xhiro të ulëta (300rot/min). Është e rëndësishme të përzihet mirë materiali afër anëve dhe fundit të enës për të arritur shpërndarje uniforme dhe të ngurtësuesit.Përfundimisht, përbërësi C shtohet duke u përzierë vazhdimisht. Përzierja bëhet me një mikser me xhiro të ulëta dhe duhet të vazhdohet derisa përzierja bëhet krejt uniforme (rreth 3 min). Nuk duhet hedhur ujë në përzierje.